Mínar síður fyrir alla kennara

Notendavænt viðmót

Markmiðið með nýjum Mínum síðum KÍ er bjóða upp á einfalt en um leið öflugt tól sem hægt er að nota til að sækja um styrki, fá yfirlit yfir stöðu umsókna og tengjast starfsmönnum sambandsins á skilvirkan hátt. Með notendavænu viðmóti höfum við auðveldað kennurum aðgang að mikilvægum upplýsingum og úrræðum.

Mínar síður halda utan um og birta þá styrki sem félagsmenn eiga rétt á, leyfa þeim að sækja um fyrrnefnda styrki á eindaldan hátt og fylgjast með stöðu þeirra þegar kemur að afgreiðslu og útborgunum. Kerfið býður líka upp á kosningakerfi þar sem félagsmenn geta kosið í kosningum settum upp af starfsmönnum sambandins. Allar umsóknir og kosningar eru síaðar eftir aðildarfélögum þannig að starfsmenn sjá einungis þær upplýsingar sem eiga við þeirra skráningu. Í kerfinu er einnig gagnvirkt fyrirspurnar- og málakerfi sem einfaldar samskipti enn frekar og hjálpar félagsmönnum að senda inn og fá svör við öllum þeim spurningum sem kunna að vakna.

Það er mikilvægt að eiga virkt samtal við notendur, hlusta á þarfir þeirra og búa til lausnir sem eru einfaldar, öflugar og notendavænar. Góð lausn bætir aðgengi og samskipti milli félagsmanna og starfsmanna Kennarasambandsins og býður upp á sveigjanleika fyrir framtíðarþróun.