Frá því ég hóf störf hjá Sendiráðinu hefur sú umræða endurtekið vaknað hvort rétt væri að skipta um nafn, finna gott nafn sem endurspeglar betur hver við erum sem fyrirtæki og þau gildi sem knýja okkur áfram.

Sendiráðið fannst okkur ekki lengur tákna  þá átt sem við erum að fara í og okkur fannst að ný sjálfsmynd myndi passa betur við markmið okkar og verkefni. Þó að Sendiráðið hafi upphaflega verið ætlað að tákna það breiða og fjölbreytta þjónustusvið sem við stöndum fyrir, hefur það með tímanum fengið á sig ímynd auglýsingagerðar og markaðsetningar í stað forritunar- og vefsíðuþróunar, UX hönnunar og annarrar þjónustu sem við bjóðum upp á. Svo ekki sé minnst á endurtekin símtöl varðandi týnd vegabréf eða önnur vandamál sem við þó höfum gert okkar besta að leysa, svona eins langt og geta okkar til þess nær 🙂

Þegar kom að því að finna nýtt nafn, vildum við finna nafn sem væri einstakt og eftirminnilegt og ólíklegt til að skapa misskilning um störf okkar og þekkingu. Norda spratt upp úr frjóum huga framkvæmdastjóra okkar og hefur fest sig í sessi hér innanhúss á skömmum tíma. Það er ferskt og sérstakt nafn sem við teljum að muni hjálpa okkur að skera okkur úr og aðgreina okkur frá öðrum. Merkingin, eins og nafnið gefur til kynna, er vísun á Norðurslóðir. Falleg tenging við uppruna okkar og hógvært stolt má greina þarna líka en fyrst og fremst finnst okkur nafnið fallegt og standa vel fyrir þá nýsköpun og framþróun sem við viljum vera þekkt fyrir.

Við horfum í auknum mæli á erlenda markaði og finnst mikilvægt að hafa ferskt, sérstakt og ekki síst alþjóðlegt nafn sem hjálpar okkur að skera okkur úr og aðgreina frá öðrum. Sendiráðið á það til að vera örlítill tungubrjótur meðal erlendra hagsmunaaðila og ég get staðfest það að enska þýðingin er ekki hjálpleg þegar kemur að auknum skilning á okkar störfum.

Að lokum vildum við nafn sem væri í samræmi við þær vörur og þjónustu sem við bjóðum upp á. Sendiráðið hafði ekki endilega sterka tengingu við það sem við gerum, en Norda tjáir með skýrari hætti nýstárlegt og framsækið eðli fyrirtækisins okkar.

Við skiljum að breytingar geta verið erfiðar og við viljum fullvissa viðskiptavini okkar og samstarfsaðila um að þetta nýja vörumerki muni ekki hafa áhrif á gæði eða áreiðanleika vöru okkar og þjónustu. Nafnið er kannski nýtt en kennitalan, gildin og fólkið er það sama.

Áherslurnar eru líka að mestu óbreyttar, við hugsum reyndar aðeins stærra en fókusinn verður áfram á að uppfylla sömu gæði og þjónustustig og við höfum gert hingað til.

Þó svo að það sé skrítið að kveðja gamla nafnið erum við spennt fyrir þessum nýja kafla og erum þess fullviss að Norda muni þjóna viðskiptavinum okkar og samstarfsaðilum betur þegar við höldum áfram að vaxa og þróast.

Sendiráðið fannst okkur ekki lengur tákna  þá átt sem við erum að fara í og okkur fannst að ný sjálfsmynd myndi passa betur við markmið okkar og verkefni. Þó að Sendiráðið hafi upphaflega verið ætlað að tákna það breiða og fjölbreytta þjónustusvið sem við stöndum fyrir, hefur það með tímanum fengið á sig ímynd auglýsingagerðar og markaðsetningu í stað forritunar- og vefsíðuþróunar, UX hönnunar og annarrar þjónustu sem við bjóðum upp á.

Frá Sendiráðinu í Norda - Nýtt nafn, sama vegferðin

Fyrirtæki og stofnanir virðast vera byrjuð að gera sér grein fyrir mikilvægi hönnunarkerfa og því langar mig aðeins til þess að ræða almennt um hönnunarkerfi og hvað það getur gert fyrir þig.

Hönnunarkerfi er sameiginlegt safn af endurnýtanlegum hönnunareiningum, skjölun og reglum. Starfsmenn geta svo notað þessar einingar til þess að skapa virðisaukandi lausnir fyrir sitt fyrirtæki. Hönnunarkerfið sjálft getur svo verið mismunandi eftir stærð fyrirtækja og þörf teyma hverju sinni. Sem dæmi inniheldur hönnunarkerfi m.a takka, töflur, liti, letur osfrv.

Hverjir eru kostir þess að vera með hönnunarkerfi?


Í dag eru mörg fyrirtæki og stofnanir ekki einungis með vefi. Þau bjóða upp á Þjónustusíður, öpp,  og annan hugbúnað sem þeirra viðskiptavinir nota á hverjum degi. Stöðuleiki kemur frá því að hafa hlutina eins, til þess að notandinn þekki vel og líði vel í umhverfinu sem hann er í. Hönnunarkerfi passa upp á þennan stöðuleika.



Mikill tímasparnaður fylgir góðu hönnunarkerfi. Hönnuðir eiga einfaldara með að vinna að sama markmiði. Hægt er að skapa nýjar lausnir eða viðbætur á núverandi kerfum með þeim einingum sem nú þegar er búið að hanna. Í stað þess að hönnuðir séu að nota sinn tíma til þess að endurhanna svipaðar einingar og eru nú þegar til staðar þá getur hann notað sinn tíma til þess að hugsa um nýjar leiðir til þess að skapa betri lausnir. Með því móti minkar hönnunarskuld fyrirtækisins og stöðuleikinn á útlitinu er haldið til haga. Öll hönnunin er á einum og sama staðnum og allir vita nákvæmlega hvert á að leita. Það sparar fjármuni og tíma og er virðisaukandi fyrir fyrirtæki.

Verkefni geta innihaldið erlenda viðskiptavini eða teymi sem vinna á milli landa og þá er hönnunarkerfi nauðsynlegur mikilvægur þáttur í þróunarferlinu. Einnig hjálpa hönnunarkerfi við það að koma nýjum teymismeðlinum hratt inn í þróunarferla.

Gott er að hafa í huga að það þarf að halda vel utan um hönnunarkerfi annars getum þau fljótt orðið úreld og íþyngjandi fyrir fyrirtækið. Hönnunarkerfið þarf að vaxa og dafna með fyrirtækinu og því þarf einstakling sem ber ábyrgð á kerfinu og tekur ákvarðanir um stefnu, skjölun og framtíð kerfisins en misjafnt er hversu strangar reglur eru um kerfið. Ef það er gert á réttan hátt getur gott kerfi umbylt hönnunarhluta og þróunarferlum fyrirtækja og stofnana til hins betra.

Ræddu við okkar sérfræðinga ef þú hefur áhuga á að fræðast nánar um hönnunarkerfi.

Er nauðsynlegt að vera með hönnunarkerfi? 🤔

Sem einn af síðustu Íslendingum sem sat í lögbundinni einangrun velti ég fyrir mér þeim breytingum sem faraldurinn hefur haft í för með sér. Mikið hefur verið ritað og rætt um þær áskoranir og verkefni sem COVID-19 hefur fært okkur og eins um þá ótrúlegu útsjónarsemi og aðlögunarhæfni sem við svo augljóslega búum yfir.

Ólíkum verkefnum hefur verið fundinn farvegur innan margbreytilegra tæknilegra lausna og allt frá daglegum stöðufundum til árshátíða stórfyrirtækja hefur verið fundinn vettvangur innan hinna ýmsu ólíku fjarfunda- og samvinnutóla.

Ég hóf sjálf störf í miðjum faraldri, kynntist fjölda fólks eingöngu í gegnum skjáinn og öðrum með grímur. Þó ég kjósi persónulega frekar að vinna með fólki í persónu held ég að þessi tími hafi mótað okkur og breytt ákveðnum þáttum starfs okkar til frambúðar. Það er síður þörf á að fresta hlutum þó einhver sé ekki á staðnum, sveigjanleikinn er kominn til að vera.

Undanfarin ár, frá því vel fyrir heimsfaraldur reyndar, hef ég eytt miklum (mögulega of miklum) tíma í að skoða hin ýmsu rafrænu tól ætluð til að einfalda mér vinnuna. Verkefnastjórnunartól, samþættingar og samvinnutól. Allt myndrænt, sem gefur góða yfirsýn og hjálpar mér að sjá forgangsröðun og mikilvægi veitir vellíðan, ég ætla ekki að ljúga. Og ekki minnkaði áhuginn þegar fjarvinna varð skyndilega almenn og sjálfsögð.

Stefnumótunardagur Norda fór fram á björtum og fögrum degi í miðjum heimsfaraldri og þurftum við, auk þess að setja niður áætlun og dagskrá fyrir daginn, að ákveða með hvaða hætti dagurinn ætti að fara fram enda ekki ljóst þegar undirbúningur hófst hvort starfsmenn mættu allir mæta í vinnu eða ekki. Svo fór að ákveðið var að styðjast við rafrænar lausnir og nota Miro til verksins. Við þá ákvörðun var staðið þó svo að dagurinn hafi hentað fullkomlega út frá fjöldatakmörkunum og covid smitum og allir starfsmenn gátu mætt á staðinn og tekið virkan þátt í vinnustofunni.

Úr varð ótrúlega skemmtileg blanda þar sem litlir hópar settust niður saman, ræddu strauma og stefnur, ógnanir og tækifæri og svo var Miro notað til að taka upplýsingarnar saman á lifandi og skemmtilegan hátt.

Fleiri greinar

Hönnunarsprettur er frábært og áhrifamikið tól. Við vitum það vel, við sem höfum keyrt marga spretti og séð samhuga teymið galdra fram ótrúlega vel ígrundaða og kreatífa lausn. Vá, og stemmnningin sem myndast — hún er svo mögnuð að hún endist oft út verkefnið, enda allt teymið búið að skapa saman mjög skýra mynd af því hver stefnan er og á hverju hún byggir.

Er stemmningin og ávinningur hönnunarspretts háð því að teymið sé saman í rými, á sama stað?

Hvað ef það er bara ekki hægt? Hvernig er hægt að nýta aðferðir, reynslu og tól til þess að hámarka bæði stemmningu og ávinning þrátt fyrir að hönnunarsprettur eigi sér stað online?

Við hjá Norda létum veiruna ekki stoppa okkur í að keyra áfram hönnunarsprett þar sem okkar teymi ásamt Ísland.is, Advania og Fjársýslunni tók þátt í að skapa nýja umsókn fyrir Ísland.is. Óvissan var vissulega til staðar, mörg teymi að koma saman, margir sem ekki höfðu tekið þátt í hönnunarsprett áður, tímapressa á verkefninu, mismunandi þekking á stafrænum tólum og jú þetta þurfti að ganga upp online. Þetta gekk vonum framar og í raun svo vel að ýmist má nýta úr þessum spretti í komandi spretti!

Undirbúningur. Online sprettir krefjast meiri undirbúnings, undirbúningur er hinsvegar alltaf af hinu góða og veitir öryggi til þeirra sem taka þátt.

Ice-breaker. Ice-breaker æfingar eru mikilvægur partur af hönnunarspretti þar sem fólk kemur saman sem þekkist ekki endilega vel. Á online sprettinum klufum við skjáinn og tindana þar fyrir aftan með æfingunni, vá ice-breaker æfing fór úr því að vera mikilvæg í nauðsynleg.

Látbragð. Skjárinn býr til fjarlægð og í hönnunarspretti er það eitthvað sem við viljum forðast, við komumst nær hvoru öðru með því að nota látbragð: “Þeir sem eru sammála, veifið” var t.d. mikið notað á sprettinum okkar og bjó til afslappað og hresst andrúmsloft.

Teymið. En stærsta áhættan í online hönnunarspretti er sú að fólkið týnist á bakvið skjáinn. Hér er ábyrgð þess sem stýrir sprettinum mikil og mikilvægi þess að passa að allir leggi eitthvað til málanna, segi sína skoðun, margfaldaðist.

Stafræn tól. Þegar fjölbreyttur hópur kemur saman online til að vinna hugmyndavinnu saman — fjarri postit miðum og sharpie pennum þá þarf eitthvað að koma í staðinn. Í þessum spretti settum við upp vel skipulagt Google Slides skjal til þess að koma hugmyndum frá okkur. Allir kunna á Google Slides. Allir kunna að copy og paste. Niðurstaðan: frábært tól sem hjálpar fólki að koma hugmyndum frá sér á skýran hátt, hjálpar þeim sem eru óöruggir að teikna og eykur nafnleynd — sem er klár kostur í allri hugmyndavinnu!

Online/offline. Þrátt fyrir að þessi sprettur var online hönnunarsprettur, fór talsvert af vinnunni fram offline. Hópurinn samanstóð af kjarnateyminu og svo öllu teyminu. Vinnan var ýmist unnin online, offline, með öllu teyminu og svo sumir partar einungis með kjarnateyminu. Offline vinnan var mjög markviss, djúp og kröftug, unnin eftir góðu skipulagi og að endingu var allt kynnt online. Það er virkilega mikilvægt að hleypa fólki offline, eða í minni spjallgrúppur, til þess að fá tækifærið að kafa ofaní ákveðið efni eða hugmynd án þess að vera við skjáinn.

Ég hlakka til að halda áfram keyra sprettina og þróa hinar ýmsu útgáfur sem henta best hverju verkefni fyrir sig 👏🏻

Allt milli himins og jarðar

Frá Sendiráðinu í Norda - Nýtt nafn, sama vegferðin

Frá Sendiráðinu í Norda - Nýtt nafn, sama vegferðin

Er nauðsynlegt að vera með hönnunarkerfi? 🤔

Er nauðsynlegt að vera með hönnunarkerfi? 🤔

Rafræni verkfærakassinn

Rafræni verkfærakassinn

Hönnunarsprettur, í þetta skipti online!

Hönnunarsprettur, í þetta skipti online!

Allt milli himins og jarðar

Frá Sendiráðinu í Norda - Nýtt nafn, sama vegferðin

Frá Sendiráðinu í Norda - Nýtt nafn, sama vegferðin

Er nauðsynlegt að vera með hönnunarkerfi? 🤔

Er nauðsynlegt að vera með hönnunarkerfi? 🤔

Rafræni verkfærakassinn

Rafræni verkfærakassinn

Hönnunarsprettur, í þetta skipti online!

Hönnunarsprettur, í þetta skipti online!